قۆڵبەستکرانی شارەدارانی جۆڵەمێرگ
Friday, August 21, 2015
NNSROJ: دیلەک خەتیب ئۆغڵوو و نوروڵا چیفچی، دوو هاوسەرۆکی شارەداری جۆڵەمێرگی باکووری کوردستان، ماوەی ٢ ڕۆژە لە لایەن پۆلیسی ئەو شارەوە قۆڵبەست کراون.
قۆڵبەستکردنی ئەو دوو شارەدارە پاش ڕاگەیاندنی "خۆسەری" لە لایەن ئەنجوومەنی شارەکە لە ڕۆژی ١٤ی ئاگۆستی ئەمساڵ و دەستپێکردنی لێکۆڵینەوەیەکی یاسایی دژ بە ئەندامانی ئەنجوومەن و هاوسەرۆکانی شارەدارییەوە دێت. لە ڕۆژانی ڕابردوودا، شارەداری چەند شار و شارۆچکەری تری باکووری کوردستانیش بە هۆی ڕاگەیاندنی خۆسەری لە لایەن ناوەندە ئاساییشییەکانی تورکیاوە قۆڵبەست کراون.
لە ڕۆژانی ڕابردوودا، گوڵتەن کشاناک، هاوسەرۆکی شارەوانیی ئامەد هەڕەشەی کردبوو کە ئەگەر شارەدارەکانی قۆڵبەست بکرێن ئەویش لە ئامەد خۆسەری ڕادەگەیەنێ.
م.م.
پەیوەندی‌دار:
تەگ:
مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە