بابەتی گەرم:

نوێنەرانی کۆمەڵگەی مەدەنیی سەردەشت، لە هەڵەبجە بوون

Friday, March 18, 2016



NNSROJ- نوێنەرانی کۆمەڵگەی مەدەنیی شاری سەردەشتی رۆژهەڵاتی کوردستان سەردانی هەڵەبجەیان کردووە و لە ژمارەیەک کار و چالاکیی تایبەت بە ساڵڕۆژی کیمیابارانکردنی ئەو شارەدا بەشدارییان کردووە.

بەپێی ئەو زانیاری و وێنانەی بۆ ناوەندی نووچە و شڕۆڤەی رۆژ نێردراون، لە رۆژانی ١٥ و ١٦ی مارسدا، نوێنەرانی کۆمەڵگەی مەدەنیی شاری سەردەشت، لە ژێر ناوی "رۆژی سەردەشت" و "رۆژی هەڵەبجە"دا کۆمەڵێک کار و چالاکیی جۆربەجۆریان لە شاری هەڵەبجە بەڕێوەبردووە.

نوێنەرانی رێکخراوە مەدەنییەکانی شاری سەردەشت لە توێی ئامادەکردنی نامیلکە و دانانی کەمپ و پێشکەشکردنی خەڵات بە ژمارەیەک بەرکەوتووی کیمیایی و خۆبەخشی کۆکردنەوەی مین و خوێندکاری خوێندنگەیەکی هەڵەبجە، کار و چالاکییان ئەنجام داوە.

رۆژی چوارشەممە ١٦ی مارسیش سەردانی مۆنۆمێنیتی شەهیدانی کیمیابارانی هەڵەبجەیان کردووە و لە شەقامەکانی ئەو شارەش، ژمارەیەک نامیلکەی وێنەیی تایبەت بە مێژووی کۆن و ئێستای شاری سەردەشتیان بە سەر دانیشتووانی هەڵەبجەدا بڵاو کردوەتەوە.

ساڵانە بە بۆنەی ساڵوەگەڕی کیمیابارانەکەی ١٦ی مارسی ١٩٨٨ی هەڵەبجە، رێوڕەسمی جۆراوجۆر لەو شارەدا بەڕێوەدەچن.









پەیوەندی‌دار:

هەڵەبجه ، ئەو زامەی کە قەت سارێژ نابێت ؟

تەگ:


مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە

راپۆرتەهەواڵ

analis picture

بەڵگەیەکی مێژوویی کۆمەڵەی ژ.ک کە بۆ جاری یەکەم بە زمانی کوردی بڵاو دەبێتەوە.


هەواڵ


دیمانە

Interview Picture

هونەرمەند ڕەشۆ کە بە ستایلی موزیکی بەرەنگاریی لە ناو موزیکی کوردیدا شوێنێکی دیار و بە رچاوی هەیە و خۆی بۆ ئایینی زەردەشت

شەممە ۲۲گۆڵان۱۳۹۷/ ۲۰:۳۱