بابەتی گەرم:

راپۆڕتی تایبەت؛ گیان لەدەستدانی لانیکەم ٤٨٦ خۆپیشاندەر لە ئێران و ڕۆژهەڵاتی کوردستان

Sunday, December 1, 2019



NNSROJ: دوو سەرچاوەی ئاگادار لە وەزارەتی ناوخۆی کۆماری ئیسلامیی ئێران، لە گفتوگۆیەکی تایبەتدا لەگەڵ "ناوەندی نوچە و شرۆڤەی ڕۆژ" پشتراستیان کردووەتەوە کە ژمارەی گیان بەختکردووانی ناڕەزایەتییەکانی ئەم دوواییانەی ئێران و ڕۆژهەڵاتی کوردستان تا ڕۆژی ١٠ی سەرماوەز (2ی دسامبر)، بە لەبەرچاوگرتنی ئەم زانیارییانەی بە وەزارەتی ناوخۆ گەیشتوون ٤٨٦ کەس بووە. 

بەگوتەی ئەم سەرچاوانە زیاترین ژمارەی گیان بەختکردووان بە تەرتیب لە پارێزگاکانی تاران، ئەلبورز، خوزستان، کرماشان، فارس، سنە و ئیسفەهان بووە.

هەروەها بەپێی ئەم زانیارییانەی بە "ڕۆژ"  گەیشتوون، ژمارەی ئەم خۆپیشاندەرانەی کە لە ڕۆژەکانی ٢٥، ٢٦، ٢٧ و ٢٨ی خەزەڵوەر برینداربوونە و ڕوویانکردووەتە نەخۆشخانە و ناوەندە تەندروستییەکان زیاتربووە لە سێ هەزار کەس.

سەرچاوەکانی ئێن ئێن ئێس ڕۆژ پشتراستی دەکەنەوە کە ژمارەی بریندارانی ناڕەزایەتییەکان زیاترە لەو ئامارەی وەزارەتی ناوخۆ لە ڕێگای ناوەندەکانی تەندروستی و نەخۆشخانەکان پێیگەیشتوون. چوونکە ژمارەیەکی بەرچاو لە بریندارەکان لە ترسی بەدواداچوون و دەستبەسەرکران خۆیان بوواردووە لە چوون بۆ نەخۆشخانە. هەروەها ژمارەیەک لە خۆپیشاندەران بە برینداری لەلایەن هێزه ئەمنییەکانەوە دەستبەسەر، کە ژمارەی ئەوانیش نادیارە.  

بە گوتەی سەرچاوەکانی ڕۆژ لە سەرانسەری ئێران زیاتر لە سێزدە هەزار کەس دەستبەسەرکراوە کە ژمارەیەک لەم کەسانە دووای لێپێچینەوە بە دانانی بارمەتە ئازادکراون. 

سەرەڕای تێپەڕبوونی دوو حەوتوو لە ناڕەزایەتییەکان، تا ئێستاش هەڵمەتی دەستبەسەرکردن و پەلکێشکردنی خۆپیشاندەر و چالاکانی بووارە جیاوازەکان لەلایەن ناوەندە ئەمنییەکانەوە بەردەوامە و ژمارەیەکی زۆری شارۆمەندانی ئێران و خۆوڵاتیانی ڕۆژهەڵاتی کوردستان بە گومانی بەشداری و ڕێکخستنی ناڕەزایەتی، زیانگەیاندن بە سەروەت و سامانی گشتی، ئەندامێتی لە گروپ و حیزبی دژبەر و وێنەگرتن لە ناڕەزایەتییەکان گیراون.

سەرچاوەکانی ئێن ئێن ئێس ڕۆژ باس باس لەوە دەکەن کە لە نێوان دامەزراوە ئەمنییەکانی ئێران سەبارەت بە چۆنیایەتی هەڵسووکەوت و ڕاگەیاندنی ئامارەکاندا جیاوازی هەیە و هەندێ کە دامەزراوەکان هەوڵ دەدەن خۆ ببوێرن لە دەرکەوتنی ئامارە دروستەکان. هەر بۆیە ئەگەری هەیە ژمارەی دروستی کوژراوان زیاتربێت.

بە تایبەت ئەوەی ژمارەیەک لە کوژراوەکان و بریندارەکانی ناڕەزایەتییەکان لە نەخۆشخانەکان و ناوەندە پزیشکییەکانی سەر بە سوپای پاسدارانن و ساردخانەی نەخۆشخانەکانی دیکەش کە تەرمی کوژراوانی لێبووە و لێیە لەلایەن هێزە ئەمنییەکانەوە چاودێری دەکرێت.

 ڕێکخراوی لێبوردەیی نێونەتەوەیی لە دووایین ڕاپۆڕتی خۆیدا سەبارەت بە ناڕەزایەتییەکانی ئێران ژمارەی قوربانیانی ١٦١ کەس ڕاگەیاندووە.

تا ئێستا هیچ یەک لە بەرپرسانی حکومەتی کۆماری ئیسلامی ئێران ئاماری گیان بەختکردووان و بریندارەکانیان بڵاونەکردووەتەوە. جێگری کاروباری سیاسیی وەزیری ناوخۆی ئێران لە کۆنفرانسێکی ڕۆژنامەڤانیدا ڕەدی کردەوە ئەو ئامارانەی کە تا ئێستا لەلایەن ناوەندەکانی مافی مرۆڤەوە بڵاوکراونەتەوە ڕاست بن و گوتی:" بڕیارە دادستان بەپشتبەستن بە ڕاپۆڕتی پزشکیی داد ئامارەکان ڕابگەیێنێت".

 

پەیوەندی‌دار:

"ئەو هێزە دەیباتەوە کە بتوانێ مەیدانی فەرهەنگی، کۆمەڵایەتی و کۆمەڵگەی مەدەنی لە کۆنتڕۆڵی خۆی دا بگرێ"

ئاوڕدانه‌وه‌یه‌ك بۆ خۆكوژی له‌ شاری سه‌قز

سەلاس و باوەجانی؛ تێکهەڵچوونی قورس هاتە ئاراوە

لێبوردنی نێودەڵەتی: ئەمنییەتی شاهیدانی دۆسیەی وەدات حوسێن گەرەنتی بکرێت

کوژران و برینداربوونی سێ کۆڵبەر لە ورمێ

تەگ:


مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە

راپۆرتەهەواڵ

analis picture

راپۆڕتی تایبەت؛ گیان لەدەستدانی لانیکەم ٤٨٦ خۆپیشاندەر لە ئێران و ڕۆژهەڵاتی کوردستان


هەواڵ


دیمانە

Interview Picture

گەلێک دەوڵەت ، ئەوانەی کە ئەندامی ناتۆن و لەگەڵ ترکەکان کار دەکەن و پێوەندییان لەگەڵ تورکیا هەیە دەیانەوێ نێوانی ڕۆژئاوا

پێنج‌شەمە ۱۲رەزبەر۱۳۹۷/ ۲۳:۳۳