وڵاتانی عەرەبی: ئێران ئاژاوە دەنێتەوە
Monday, January 11, 2016
NNSROJ: وەزیرانی کاری دەرەوەی وڵاتانی ئەندام لە کۆمکاری عەرەبیدا، بۆ باسکردن لە کێشەکانی ئەم دواییەی نێوان عەرەبستان و ئێران، ڕۆژی ڕابردوو لە قاهیرەی پێتەختی میسر کۆبوونەوە.
لە لێدوانێکدا کە لە کۆتایی کۆبوونەوەی گشتیی کۆمکاری عەرەبیدا دراوە بە ڕای گشتی، ڕاگەیەنراوە کە وڵاتانی ئەندام لە کۆماری عەرەبیدا، پشتیوانی لە عەرەبستانی سعوودی دەکەن لە کێشەکانیدا لەگەڵ ئێران و کۆماری ئیسلامیی ئێرانیش بە "هەڵسوکەوتی ئاژاوەگێڕانە" تاوانبار دەکەن.
وەزیرانی دەرەوەی وڵاتانی ئەندام لە کۆمکاری عەرەبی، لە لێدوانەکەیاندا "لە بەرامبەر سیاسەتی ئاژاوەگێڕانەی ئێران و لە هەوڵەکانیدا بۆ بەربەرەکانیکردن لەگەڵ تیرۆریزم، پشتیوانیی تەواوی خۆیان بۆ عەرەبستانی سعوودی " ڕادەگەیەنن.
ک. م
پەیوەندی‌دار:
تەگ:
مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە